عبارة عن ٤ روتيشن، اول اثنين ٦ اسابيع و آخر ٢ ٧ اسابيع. كل اخصائي له طريقة، ممكن بعضهم يعطونك فرصة اسبوع observation او اسبوعين و بعضهم من اول يوم انت ماسك البيشنتس. بشكل عام الاخصائيين و الاخصائيات ما يقصرون اذا طرحت عليهم اي موضوع يتجاوبون معاك، و يبحثون معاك عن المعلومة، و بيئة تعليمية ممتازة انصح الجميع يمر فيها سواء اول روتيشن او ثاني روتيشن بتستفيد حتمًا. بالنسبة للمتطلبات، فيه تشك ليستس بتمر عليها عند كل اخصائي هذي التشك ليست مفيدة بتساعدك تعرف ايش الاشياء الي تحتاج تتعلمها زي القايد. و فيه برضو weekly log، تكتب فيه القولز حقتك سواء مهارات شخصية تبي تبنيها او معلومات تبي تتعلمها او اشياء براكتيكال زي اسسمنتس تبي تطبقها او انترفنشنز. بخصوص الغياب عندك ٦ ايام اجازة سنوية و السكليف زي ما تبي، الا اذا الجامعة محددة لك عدد معين، و قد تتغير هذي السياسة ف لازم تتكلم مع الIntern commmitee و تتابع جامعتك. اذا ودك طبعًا. فيه ساعات استئذان، ٤ ساعات في الشهر. فيه مطاعم و كافيهات و بقالتين متوفرة داخل المدينة ، و المواقف فيه مبنى المواقف كان ب٢٠ الى ٢٣ ريال يوميًا و ما كان فيه اشتراك شهري متاح لنا، فيه عند البوابات خارج المدينة على طول تبع مواقف الرياض و هي اغلى، كانت ب٣٠ الى ٣٤ ريال باليوم. فيه بجهة ماما نورة مواقف مجانية جوا الحارة و فيه قطع شارع الضباب عند بقالة ميد بس لا انصح بها لان خطر. ختامًا، انصح نصيحة كنت اتمنى احد نصحني اياها، انت الي بتعلم نفسك، مهما كانت المشرف حقك متعاون انت في النهاية بتعلم نفسك و انت بتوجه نفسك اذا صار عندك مرضى و عيادة، ف حلو و جميل ان الواحد يدفع نفسه و يكتسب هذي المهارة. اتمنى لك التوفيق و السداد و الاجر في الدنيا و الآخرة.