مستشفى فيصل التخصصي : أول شي خلوني أتكلم عن الدوام والإجازات لأنهم أهم نقطة لأي متدرب/ة: ⏰ الدوام: الدوام يبدأ من ٧:٣٠ الصباح إلى ٤:٣٠ العصر، ويوم الخميس يخلص ٣:٣٠. البصمة عن طريق تطبيق بالجوال اسمه IG (تسوون فيه Punch in & out) ويتفعل أول ما تدخلين نطاق المستشفى. عن نفسي كنت أحيانًا أتأخر لين ٧:٤٥ كحد أقصى اذا ما كان فيه مواعيد الساعه ٨ وما أحد علّق، بس ما كنت أوصل ٨ لأن الأخصائيين ينتبهون. 🛑 الإجازات (وهذي من أكبر السلبيات): ما فيه إجازات تقريبًا إلا: • إجازة مرضية بحد أقصى ٤ أيام • إجازات اضطرارية مثل الوفاة (ما لها عدد أيام محدد رسميًا) • استئذان ٣ أيام والصراحة الموضوع متعب، خصوصًا مع ضغط المرضى، أحيانًا تحسين إنك فعلًا محتاجة راحة. —————— بالنسبة لتجربتي بشكل عام في مستشفى الملك فيصل التخصصي كانت مرّة جميلة وصقلتني علميًا وعمليًا. الأخصائيين اللي تدربت عندهم كانوا ممتازين وعندهم خبرة قوية: • أخصائية عبير – قسم الأطفال (Pedia) • أخصائية بسمة – قسم اليد (Hand) • أخصائية سارة – قسم التنويم (Inpatient) من الأخصائيين الممتازين الرهيبين أيضًا: - اخصائي عبدالله الحربي pedia - ⁠أخصائية لمى و أخصائي مهند hand واستفدت منهم كثير من خبرتهم وأسلوبهم ويعلمونك بشكل تدريجي الين تقدر تمسك مرضى لحالك بس تحت اشرافهم. شفت حالات كثيرة ومتنوعة وبعضها نادرة، وهذا الشيء مرّة فرّق معي. 🖐️ الجبائر: كنا نصنع جبائر كثيرة خصوصًا في قسم الأطفال، مثل: Thumb spica، elbow extension/flexion، cock-up splint، finger extension، anti-claw hand، functional & resting splints وكان العمل فيها شبه يومي. أما باقي الأقسام فغالبًا الجبائر جاهزة (ready-made) ونادرًا نسويها يدوي. 📚 المحاضرات وورش العمل: • محاضرة أسبوعية (بعضها ورشة عمل لتطبيق الجبائر) كل يوم اثنين الصباح (مهم حضورها) • In-service للأخصائيين والانترنز (اختياري) 🏥 نظام العلاج: ما فيه قسم تأهيل شامل (Rehab)، العلاج يكون غالبًا برامج منزلية مع متابعة دورية. 🍽️ الأكل والمطاعم: المستشفى كبيرة وفيها مطاعم وكافيهات كثيرة وقريبة من الأقسام. 📅 التوزيع على الأقسام: فيه جدول واضح: كل قسم شهرين ثم تنتقلين للي بعده، وتكونين مع أخصائي/ة محددة، وإذا ما فيه حالات تقدرين تحضرين مع غيرها. 📌 المشاريع: في كل قسم فيه مشروع لازم تسوينه وله فائدة فعلية للمرضى أو للأخصائيين، مثل باركودات للتمارين أو كتيبات توعوية أو أدوات تسهّل العمل.