المتطلبات: مقابلة، ستيب، اختبار
الأقسام: الاقسام الاساسية الموجودة: تنويم اطفال مع الاخصائية ريم المطيري تنويم كبار في ٣ اخصائيات عيادات خارجية اصابات يد في ٤ اخصائيين عيادات خارجية اطفال في ٣ اخصائيين انا مريت بتنويم اطفال و كبار و عيادات خارجية اصابات يد، و ما انصح بأخذ تو روتيشن تنويم لان كان ضغط عالي علينا مجرد ٤ اخصائيات يغطون قسم التنويم، و جداولهم مليانة و التحويلات تجي فجأة. و برضو كان ودي اشوف حالات البيدز لان في حالات نادرة و في اخصائية عبير العقيلي عندها SI certification و خبرتها طويلة. حضرت عندها ٣ ايام بس استفدت منها كثيييير. اذا تبي تطور نفسك بالجبائر قسم اصابات اليد ما يسوون جبائر الا قليل و حسب الاخصائي . قسم الاطفال يسوون جبائر اكثر لكنهم سمعت عشان المتريال قليل ما يسمحون للانترن يتعلمون فيه. اذا انت تبي تطور نفسك في الجبائر في مستشفيات ثانية تعطيك هذي الفرصة زي الشميسي. بس انه التخصصي مرنين من ناحية تبديل الجداول اذا فيه روتيشن ودك تطور نفسك فيه يتعاونون معاك. قسم التنويم في حالات متنوعة و نادرة جدًا بس ابحصر الاقسام الي يغطونها فيه: Stroke, Neurology, Oncology/Palliative care, Organ Transplant, Cardiology, PICU, NICU, medical ICU, Cardiosurgery (CS-ICU). الاخصائية ريم المطيري تغطي برضو مبنى ثاني في حي النرجس مرة في الاسبوع، اسمه Child’s Cancer Center (CCC). تجربة قسم التنويم كانت متعبة نفسيًا و جسديًا . المباني كبيرة و متباعدة يحتاج الواحد يلبس شرابات ضاغطة و هو يشتغل بالتنويم و يتمرن لان في كثير obese patients. التعب النفسي جاء من الحالات الصعبة ، في بيشنت تشوفهم يوم و اليوم الثاني تلقى عندهم death note . ضروري الواحد يهيء نفسه كويس لقسم التنويم و يكون مستعد لخدمة البيشنت و يركز عليهم. اذا انت ما تقدر ١٠٠٪ تخدم البيشنت ما انصحك تروح قسم التنويم. بالنسبة للعيادات الخارجية لاصابات اليد: CTS, De quiervain, tennis elbow, flexor tendon repairs , OA, RA , etc. فيه اخصائيين عندهم ترخيص dry needling كان فكانت تجربة حلوة اني تعرفت على هذا الانترفنشن. و يستخدمون جهاز الshockwave . ما يستخدمون اجهزه ثانية.
ساعات العمل : من ٧:٣٠ الى ٤:٣٠
بدينا ثاني روتيشن معاهم و اعطونا جدول الروتيشنز في ٣ روتيشن كل روتيشن شهرين. لكن احنا كثاني روتيشن كانوا ينتهون في رمضان قريب من وقت العيد و حول عيد الحج ففي روتيشنز طولت اكثر لان الاخصائيين رفضوا التبديل بما انه وقت غير مناسب لاستقبال انترن جديد. صار: اول روتيشن ١٠ اسابيع، ثاني روتيشن ٨ اسابيع و ثالث روتيشن ٥ اسابيع. بخصوص الحضور الانترن الي قبلنا كانوا يقولون لنا على تطبيق التخصصي و نسوي punch in and out.
معلومات المقابلة
introduce yourself What is your area of interest? What do you do with a patient who had radial head fracture after they have taken off the splint? What splint would you used during sessions? What do you do with a patient (child) who has uncontrolled seizures? What motor and cognitive milestones does a child who is 14 months old achieved? Can they understand the concept of objects? What is the babinski reflex? Who is the most important person in the hospital and why? كانت في المقابلة محاولة استفزاز مثلا المقاطعة خلال الكلام و رن جوال خلال المقابلة دون اغلاقه. فيه بعض الزملاء الي قابلوهم برضو استفزوهم بأسلوب استكباري. كل هالاشياء اختبار لكم. لا تقعون بالفخ اهم شيء.
الإيجابيات
الحلو في التخصصي ان في اغلب الاخصائيين خبرتهم طويلة فتستفيد من الclinical reasoning حقهم و غير كذا مرة متعاونين مع الانترن ما شاء الله. و يعاملونك كأنك اخصائي يعطونك لود بالذات بالتنويم تجرب كل شيء حرفيًا من اسسمنت الى discharge planning. آخر يوم سوو لنا حفل ختامي لمدة ساعتين و اعطونا شهادات مع البي تي انترنز و اخذنا صورة جماعية.
السلبيات
الدوام الطويل الضغط العالي المواقف البعيدة في استغلال من بعض الاخصائيين ما في ترينينق مانويل، فحقوقك مو واضحة. اول يوم قال لنا الاخصائي (ما كان هو مسؤول الامتياز، مسؤولة الامتياز كانت في اجازة) الاستئذان ٣ مرات فقط خلال الروتيشن، الاجازات ما كان في الا ٤ سكليف و لازم من مستشفى حكومي. لكن الاخصائيات كانوا يقبلون من مستوصفات خاصة و ما في طريقة رسمية او نظامية يحسبون عليك الغياب او الاستئذان و هذا الشيء ايجابي و سلبي بنفس الوقت لان ممكن الاخصائي يرفض انك تاخذ اجازتك. على سبيل المثال انا كان عندي استلام عباية تخرج، زميلاتي بمستشفيات ثانية اخذوا يوم اوف، و المشرفة طلبت مني ارجع للدوام بعد استلام العباية بعد ما طلبت منها اجازة و من المسؤول. المسؤول قبل الاجازة و هي رفضت. و نصيحة اذا ما في بيشنت و خلصت بدري اطلب من الاخصائي يطلعك بدري عشان تشتغل على البروجيكت، كل روتيشن يطلب منك بروجيكت. في مكان تحط في اغراضك في مركز القلب او في برج الملك عبدالله بيعطونك خزنة، لكن في قسم التنويم كنت اشيل اغراضي كلها بجيوبي لان ما ادري وين بخلص و المواقف بعيدة.